點解有啲人分手好多年，仍然好難真正開始新生活？｜你放唔低嘅，可能唔係佢

**點解有啲人分手好多年，仍然好難真正開始新生活？**

「你放唔低嘅，可能唔係佢。」

有時候你以為自己放唔低一個人，其實你放唔低嘅，可能係嗰段關係入面嘅自己。

有個女士分手之後已經過咗好長一段時間，朋友全部都話「你應該向前行喇」，佢自己都知道。

但每次有人介紹新朋友俾佢，佢都提不起興趣。

直到有一次佢講：「以前有佢，我覺得自己好重要。」

呢句說話先令問題真正浮現。

原來嗰段關係入面，佢習慣咗有人問候、有人等佢、有人需要佢、有人將佢放喺生活中心。

分手之後，佢失去嘅唔只係一個伴侶，仲有一個熟悉嘅自己。

**心理角度**

一段長期關係，會同一個人嘅生活習慣、身份認同、情緒安全感連埋一齊。

所以分開之後，有時真正需要重新建立嘅唔只係「單身生活」，

而係：「冇咗呢段關係，我仲可以成為邊一個自己？」

**REWIRE**

所以與其不停問「點解我仲未放低佢？」，

不如開始問：「以前嗰段關係入面，有邊一部分嘅我，我想重新帶返出嚟？」

可能係自由、自信、好奇心、被愛嘅感覺，

甚至係一個好久冇照顧過嘅自己。

**真正嘅放低，未必係有一日完全唔再諗起嗰個人。**

**而係有一日，你發現——就算冇咗佢，我都重新知道自己係邊個。**

**理解潛意識，不只是理解我們為什麼痛，而是重新理解：我們想成為怎樣的人。**

下次再覺得「仲未放低」時，

不妨問問自己：「我真正放唔低嘅，係佢，定係嗰段關係入面嘅自己？」

我有拍一支影片詳細解說，歡迎觀看：

▶ 【點解有啲人分手好多年，仍然好難真正開始新生活？｜你放唔低嘅，可能唔係佢】

如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。

→ 了解催眠治療服務