識做人，同唔敢得罪人，其實係兩回事｜你係高情商，定係怕衝突？

**識做人，同唔敢得罪人，其實係兩回事**

「你係高情商，定係怕衝突？」

有啲人身邊個個都話佢好相處，但只有佢自己知道——其實佢好攰。

同事將工作交俾佢，「好啊」。

朋友臨時改約，「冇問題」。

屋企人提出要求，「得」。

所有人都覺得「佢真係好好人」。

但返到屋企，佢開始嬲：「點解次次都係我？」

最矛盾係：冇人逼佢講「得」，係佢自己每一次都講。

**心理盲區**

有時候，我哋將「識做人」同「唔製造衝突」混為一談。

但真正嘅情商，唔係令所有人舒服，

而係你可以理解別人嘅感受，同時亦可以表達自己嘅界線。

**REWIRE**

唔需要一開始就學識拒絕所有人。

由一句開始：

「我而家未必做到，我睇吓時間先。」

或者：「呢件事我可以幫，但未必可以今日完成。」

你會慢慢發現：表達界線，不等於破壞關係。

**如果一段關係要靠你永遠委屈自己先維持到，嗰個未必叫和平。**

**心理成長唔係變得更加識做人，而係開始知道：自己都係關係入面一個重要的人。**

下次再習慣性講「得」時，

不妨先問自己：「我而家係真係想幫，定係我唔敢得罪人？」

我有拍一支影片詳細解說，歡迎觀看：

▶ 【識做人，同唔敢得罪人，其實係兩回事｜你係高情商，定係怕衝突？】

如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。

→ 了解催眠治療服務