你個腦點解總係第一時間諗最壞？｜未發生，已經驚咗
12分钟前
讀畢需時 2 分鐘
**你個腦點解總係第一時間諗最壞？**
「未發生，已經驚咗。」
有冇試過？一件事明明有十個可能，你個腦第一時間就揀最壞嗰個。
有個女仔收到老闆一句訊息：「聽日返公司，我哋傾吓。」
就只係呢一句，但佢個腦即刻開始：
「係咪我做錯嘢？」「係咪要炒我？」「係咪份工出問題？」「會唔會有咩大件事？」
結果第二日老闆只係話：「有個新 project 想俾你負責。」
佢先發現——原來由頭到尾，最壞嘅情況都係自己個腦加落去。
**心理學角度**
大腦其中一個功能就係預測風險。
所以當資訊唔完整時，佢會嘗試估計「最有可能發生咩？」。
問題係，如果一個人長期處於高壓或者不安全感之中，
大腦可能更加容易將模糊訊息解讀成威脅。
所以你感受到嘅「危險」，未必等於真正發生緊嘅危險。
**REWIRE**
下一次個腦開始預測最壞情況，試吓問三條問題：
1. 「我知道嘅事實係咩？」
2. 「我估出嚟嘅係咩？」
3. 「仲有冇其他可能？」
唔係叫自己樂觀，
而係幫大腦重新學識：未知，不等於危險。
**有時候令你辛苦嘅，唔係事情本身，而係你個腦已經替你經歷咗一次最壞結果。**
**理解大腦，係分清楚——我而家面對緊事實，定係面對緊自己嘅預測。**
下次再開始諗最壞時，
不妨先問自己：「我而家面對嘅，係事實，定係我個腦已經預演過嘅最壞劇本？」
我有拍一支影片詳細解說，歡迎觀看：
如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。
→ 了解催眠治療服務
留言