點解越想成功，越容易自己放棄？｜怕失敗的人，未必最努力

**點解越想成功，越容易自己放棄？**

「怕失敗的人，未必最努力。」

有啲人最奇怪嘅地方係——佢明明好想成功，但每次去到最重要嗰一步，就開始退縮。

有個男人一直想轉行，佢話「我真係好想做」。於是報課程、買書、做研究、準備咗好多。

但每次真正要開始投身嗰一刻，佢就會諗：「而家轉會唔會太遲？」「如果失敗呢？」「其他人會唔會笑我？」

最後佢又返去原本嗰份工作。一年之後，又再做同一件事。

後來佢講咗一句：「其實我最怕唔係失敗，我怕我努力完之後，證明自己真係唔得。」

呢句說話非常重要。

因為如果我根本冇真正嘗試，失敗就永遠可以解釋成「我只係冇做」。

但一旦全力以赴仍然失敗，就可能直接打擊自我價值。

所以「唔開始」，有時反而成為一種保護。

**催眠／心理工作**

有時候真正需要探索嘅，唔係「點樣逼自己勇敢？」，

而係「失敗對你嚟講，究竟代表咩？」

代表冇能力？代表令人失望？代表自己唔值得？

當「失敗」唔再等於「我呢個人唔得」，行動就有機會變得容易。

**REWIRE**

將「我要成功」改成「我要累積一次真正嘗試」。

因為你需要重新建立嘅，未必係成功經驗，

而係「我可以承受不確定性」。

**有時候你最需要克服的，不是失敗，而是你對失敗的解讀。**

**改變不是逼自己不再害怕，而是讓自己知道：害怕失敗，也可以繼續前進。**

下次再想退縮時，

不妨先問自己：「我而家逃避嘅，係失敗本身，定係失敗會證明我『真係唔得』？」

我有拍一支影片詳細解說，歡迎觀看：

▶ 【點解越想成功，越容易自己放棄？｜怕失敗的人，未必最努力】

如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。

→ 了解催眠治療服務