top of page

有啲情侶最常講嘅一句:「你根本唔明我!」|明明講咗成晚,點解仍然聽唔明?

作家相片: kenjicure
kenjicure
11分钟前
讀畢需時 2 分鐘
有啲情侶最常講嘅一句:「你根本唔明我!」|明明講咗成晚,點解仍然聽唔明?

**有啲情侶最常講嘅一句說話,就係:「你根本唔明我!」但兩個人明明已經講咗成晚。**


有一對情侶,每次吵架都會講好耐。

女方話:「我覺得你最近冇以前咁關心我。」

男方即刻解釋:「我日日都有接你放工,又有陪你食飯,仲想我點?」

女方話:「我講嘅唔係呢啲!」

男方更加激動:「咁你究竟想點呀?」


最後,兩個人由一開始講「缺乏關心」,變成互相指責。

男方覺得自己做咗好多,點解仲被嫌棄;

女方覺得自己講咗好多次,點解對方仍然聽唔明。


但有冇可能,男方一直想證明自己已經做得夠好,而女方真正想表達的,是自己最近感到孤單?


**心理學角度**


當我們覺得自己被指責,大腦很容易進入防衛狀態。

你聽到的可能不再是對方的需要,而是「你做得唔夠好」。

於是你開始反駁、解釋、列出證據。


但當兩個人都忙於保護自己,就很難聽見對方真正想講的事。


**REWIRE|試下轉一個問題**


與其問「我已經做咗咁多,你仲想點?」,

不如試下問:「你話我唔夠關心你,係咪有啲時候,你特別想我陪你,但你感覺唔到我喺度?」


唔需要立即認同對方所有觀點。

先確認自己有冇理解正確,已經可以改變對話的方向。


**親密關係入面,最難的未必係表達自己,而係當對方令你覺得受傷時,你仍然有能力聽見佢。**


**有時候,關係需要的不是更多說話,而是少一點防衛,多一點理解。**


下次再想反駁時,

不妨先問自己:「我而家係想證明自己夠好,定係想真係聽明對方?」


我有拍一支影片詳細解說,歡迎觀看:


如果你正受失眠、焦慮或情緒困擾,也歡迎了解我的一對一催眠治療服務,從潛意識層面一起處理。

 
 
 

留言


Follow me

Tel/Wts

6594 4491   

​地址:

新蒲崗大有街1號

勤達中心

  • Facebook社交圖標
  • Instagram
  • YouTube
KENJI SIR
bottom of page