top of page

有冇試過對方訴苦,你明明係為對方好,但你講完一句說話,佢反而黑晒面?

作家相片: kenjicure
kenjicure
21小时前
讀畢需時 2 分鐘
有冇試過,你明明係為對方好,但你講完一句說話,佢反而黑晒面?



**有冇試過對方訴苦 ,你明明係為對方好,但你講完一句說話,佢反而黑晒面?**


有個女仔返工受咗委屈,返到屋企就同男朋友講:「今日真係好辛苦,個同事又將啲嘢推晒畀我。」

男朋友聽完即刻答:「咁你咪拒絕佢囉!你自己唔識處理,怪得邊個?」


男朋友覺得自己好理性,仲幫佢諗埋解決方法。

點知個女仔更加嬲:「我只係想同你講下,你做咩又話我?」

男朋友就更加唔明:「我明明幫緊你,點解你仲要嬲?」


其實,兩個人可能由頭到尾都唔係想傷害對方。

只不過,男朋友急住解決問題,而女朋友當刻最需要嘅,可能係有人明白佢有幾委屈。


**心理學角度**


我哋聽到別人講困難時,好容易立即進入「解決問題模式」。

因為我哋想幫手,亦可能唔習慣面對別人的難受。


但要記住:

對方需要的,未必係你即刻給答案,而係你先明白佢點解咁難受。


**REWIRE|練習一個新反應**


下次有人向你訴苦,先唔好急住教佢點做。

你可以問:「聽落你今日真係受咗好多氣。你想我陪你傾下,定係想我同你一齊諗辦法?」


呢句說話,唔係心理技巧咁簡單,而係先確認對方真正需要甚麼。


**有時候,最好的安慰唔係幫對方解決問題,而係唔使佢一邊受委屈,一邊仲要解釋自己點解難受。**


**理解一個人,唔只係聽佢講咗乜,仲要理解佢當刻需要乜。**


下次再想急住俾建議時,

不妨先問自己:「我而家係想解決問題,定係先明白佢需要咩?」





我有拍一支影片詳細解說,歡迎觀看:


如果你正受失眠、焦慮或情緒困擾,也歡迎了解我的一對一催眠治療服務,從潛意識層面一起處理。

 
 
 

留言


Follow me

Tel/Wts

6594 4491   

​地址:

新蒲崗大有街1號

勤達中心

  • Facebook社交圖標
  • Instagram
  • YouTube
KENJI SIR
bottom of page