你係愛佢，定係唔忍心離開佢？｜心軟，唔一定係愛
27分钟前
讀畢需時 2 分鐘
**你係愛佢，定係唔忍心離開佢？**
「心軟，唔一定係愛。」
有啲人明明知道段關係已經令自己好辛苦，但最後都係離唔開。
有個女仔成日同朋友講「其實我知道佢唔適合我」。
朋友問「咁點解唔分？」，佢沉默咗一陣，然後講：
「但係……如果我走咗，佢會好慘。」
所以佢留低。
唔係因為佢覺得呢段關係好幸福，
而係佢覺得「如果我離開，我係咪變成一個好衰嘅人？」
慢慢地，佢開始將「我唔想傷害你」變成「所以我唔可以離開你」。
**心理盲區**
同理心係能力。
但如果你覺得「只要對方唔開心，我就有責任留下」，
同理心就可能變成一種自我犧牲。
一段關係入面，你可以理解對方嘅痛苦，
但你唔一定要負責消除對方所有痛苦。
**REWIRE**
下一次你想因為內疚而答應一件事，問自己：
「如果冇內疚，我真正想點？」
呢個答案未必一定係離開，
但至少可以令你開始分清：愛，定係責任感？
**你可以心疼一個人，但唔代表你一定要犧牲自己留低。**
**健康嘅關係，不是兩個人互相拯救，而是兩個人都可以為自己的人生負責。**
下次再因為「佢會好慘」而留下時，
不妨先問自己：「我而家係愛，定係唔忍心？」
我有拍一支影片詳細解說，歡迎觀看：
如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。
→ 了解催眠治療服務
留言