你越想控制自己，點解反而越容易失控？

**你越想控制自己，點解反而越容易失控？**

「越想控制，越控制唔到。」

有冇試過？你越叫自己「唔好諗」，個畫面反而越清楚。

有個女仔每晚瞓覺之前都會提醒自己：「今日唔好再諗嗰件事。」

但結果係——越叫自己唔好諗，個腦越不停播。

嗰句說話、嗰個畫面、嗰個人，一次又一次返嚟。

佢開始覺得：「係咪我太執著？」「點解其他人可以放低，我做唔到？」

其實問題未必係你太執著。

而係你個大腦收到一個非常矛盾嘅指令：「唔准諗呢樣嘢。」

大腦首先要知道——「咩嘢？」

於是你反而更加留意嗰件事。

**心理學角度**

有時候，壓制一個念頭，唔代表念頭會消失。

你越監察自己有冇再諗，反而越容易將注意力放返喺嗰件事上面。

所以有時候真正有效嘅方向唔係「我要停止諗」，

而係「我知道呢個念頭出現緊，但我唔需要跟住佢走」。

**REWIRE**

下一次再出現同一個念頭，試吓唔同佢打仗。

你可以同自己講：「我知道你又出現喇。」

然後將注意力帶返當下。

你唔需要消滅一個念頭，先至可以重新選擇自己下一步做咩。

**有時候，真正令你困住嘅，唔係個念頭本身，而係你一直同個念頭打仗。**

**理解大腦，唔係要控制自己每一個念頭，而係學識點樣同自己相處。**

下次再想「控制」一個念頭時，

不妨先問自己：「我而家係想消滅佢，定係想同佢和平相處？」

我有拍一支影片詳細解說，歡迎觀看：

▶ 【你越想控制自己，點解反而越容易失控？】

如果你正受失眠、焦慮或情緒困擾，也歡迎了解我的一對一催眠治療服務，從潛意識層面一起處理。

→ 了解催眠治療服務